Teri aankhon me bhara pyaar ka sagar likhun

Teri aankhon me bhara pyaar ka sagar likhun,
Ya teri muskaan me chhupa mera jeevan likhun..

Chup chap kuch bolti ye teri saansen likhun,
Ya teri aahat ki chhedi hui koi dhun likhun..

Teri aawaz ko taraste mere armaan likhun,
Ya tere deedar mein apna intezaar likhun..

Woh beete pal, mahiine saal likhun,
Ya woh sadiyon see lambi raat likhun..

Tere pass hone ki khusi likhun,
Ya is duri mein gire mere aansu likhun..

Tujhe meri saans likhun, Ya mere dhadkano ki aawaz likhun,
Ya mere dil me basa tere liye pyaar likhun….